مزامير

دا انا واد خيال عاشق الترحال على قد الحال تعجبني كثيرا هذه الاغنيه خاصة هذا السطر من الاغنيه انا واد خيال مش فارس مش امير احلام انا بس ولد بيحب ركوب الخيل بيعرف يركب بس مش حاجه كبيره مش فارس مش امير احلام اي اميره مجرد بني ادم واد بيحب ركوب الخيل خيال عاشق الترحال مش مغامرات وفي اخر مغامره تنين ولا اميره مسحوره ولا جبال وبحار وسفن ترحال مجرد ترحال ممكن في نهاية الترحال قصعة اسمنت يشيلها على كتفه ويطلع بيها الدور الاخير وفي اخر اليوم شقة عيش بفول وشوية فلفل اخضر او مراكبي في النيل يشيل القلل والعسل الاسود وقصب السكر ويجيبها من اخر الصعيد لاسكندريه يعيش تلج الليل بكوباية شاي حبر بين ايديه المتلجه بس عاشق الحياه دي حياة الترحال على قد الحال مش ابوه ملك ولا صاحب غيطان واراض على قد الحال زي بقية الناس بقية الوشوش على قد الحال وحامد وشاكر وصابر على قد الحال الواد الخيال العاشق للترحال اخر الكوبليه بيقول مواعيد مواعيد كله بميعاد فرقتنا مووووووت ولقانا ميلاد قلبي يا غريب الخطوه نصيب والفرح قريب يا نغم ولاد فرقتنا موت ولقانا ميلاد قالهاقبل كدا نزار بصيغه مفخمه مضخمه رائعه حبك يا عميقة العينين تطرف تصوف عباده حبك مثل الموت والولاد مستحيل ان يعاد مرتين في علاقه بين الاتنين ؟ اعتقد احساس الصدق الصبر سبيل فرحنا تساهيل الدنيا قليل تضحك ويانا البني ادم اللي من الارض دي الوحيد اللي الف الوف مئلفه من الكلمات عن الصبر اختصرهم منصور في كلمة ان الصبر سبيل الصبر مبقاش كلمات بقى سبيل وفرحه تساهيل عند ربك منتهى الاحساس بعبثية الحياه الحزن اصبح العنوان والفرحه حاجه من عند ربك بتساهيلها عم منصور
عبد الرحيم منصور كل كلمه بسمعها من صوت منير بحس انك كتبتها ليا ولاف ولد تاني رجاله بشنبات طوال عراض بس لسه ولاد ياعم عبدالرحيم انا واد خيال عاشق الترحال على قد الحال الله يرحمك